RSS

Friday, January 15, 2010

افتتاحية


تصفيق حاد وهتافات ... أنوار تتلألأ .. وألعاب نارية تملأ المكان .. أصعد أنا خشبة المسرح وأنا ألوح للجمهور وعلى وجهى ابتسامة عريضة .. وكأنى عدت لتوى من فتح عكا .. طبعا السؤال خرم ودنى فين ميرام .. فين ميرام .. مش أنتوا شركا فى المدونة دي ؟؟؟ ... هيا مجتش معاكي ليه ؟؟ الإجابة بسيطة وسهلة .. ميرام أصلا واقفة مستنيانى على خشبة المسرح من تلتين ساعة هههههه .. أرى ميرام تنظر لي بابتسامتها المعهودة وكأنها تقولى لى : يعنى اموتك دلوقتى ولا اعمل ايه .. انا هغيرك خلاص ( معلش عدتها .. زى بنتنا برده ) ... انظر لها بابتسامتى المعهودة برده ولسان حالى يقول : متقدريش ههههه


بقالنا كام يوم عمالين نفكر هنكتب ايه فى البوست الافتتاحى بتاع المدونة .. أولا فكرة المدونة واسمها كان فكرة ميرام ... صقفة لميرام يا ولاد طول عمرها مبدعة وخلاقة وانا بحيي فيها روح الابتكار ... كان لازم أنا اعمل حاجة فى الليلة دى .. وإلا هبقى جاية اهوى المدونة وارشها معطر جو كل يوم وخلاص .. فاتفقنا انى انا اللى اكتب بوست الافتتاحية دا


المدونة دى فكرتها بتتلخص فى ان احنا كتير بيفيض عندنا فضا او حبة وقت مش بنعرف نعمل فيهم ايه هتبقى حاجة جميلة اوى لما نفضفض لبعض فى الوقت دا عن مواقف كتير بنتعرض لها كل يوم .. سواء بتحصل لنا او لغيرنا .. ساعات المواقف دى مش بنعرف ناخد فيها قرار .. بساطة لأننا بنكون جواها ومش عارفين نفكر .. ومش بتكون عدت علينا قبل وبالتالى بيكون النتيجة اننا بنفشل فى اننا ناخد قرار صح .. وبنبقى محتاجين حد نفضفض معاه ونحكيله .. سواء احنا هنقول خلاصة تجربتنا من القصة دى او هنسأل كان لازم نتصرف ازاى

حاجة كمان ... بدل مانضيع الفضا دا فى حاجات مش مفيدة او يقتلنا الفراغ زى مانا بقول دايما .. يستحسن اننا نفكر ازاى نقضي على الفضا دا بحاجات مفيدة .. هنقدم لكم اقتراحات بحيث انتوا كمان تتفاعلوا معانا .. سواء باقتراحاتكم .. او فضفضاتكم اللى هتحكولنا فيها عن حاجات انتوا عايزين تفضفضوا بيها ... بحيث اننا كلنا نشترك فى الحكم عليها


يارب تكون الفكرة وصلت .. وقبل كل دا تكون عجبتكم

تحياتنا للجميع ومنتظرين مشاركتكم ومتابعتكم وتشجيعكم




27 comments:

P A S H A said...

إنه ليسعدني ويشرفني إني أكون أول تعليق :))

ألف مبروك على المدونة .. اسمها حلو جداً جداً على فكرة جديد ويشد .. مستنيينكم تملوها بوستات ومواضيع حلوة كتير .

ملحوظة :

فيه بوكية ورد سيبته على باب المدونة بمناسبة الإفتتاح ابقوا دخلوه جوه أحسن يتسرق


تحياتي وتمنياتي بالتوفيق دائماً إن شاء الله

:))

سلام

شاب فقرى said...

ازيكم يا اخوتى فى الله

طبعا العالم يقول للغائب ان حدوتة تبقى اختى فى الواقع

والفراغ دايما بيقتلها :D

ولسه مبلغناش البوليس

يارب يتقفش ونستريح منه

بس الظاهر انه اتقفش خلاص والبقاء لله

حدوتة

اتوقع لكم نجاح باهر

لان الفكرة زى اليوميات ودا اللى فهمته
او مواقف حياتيه وتجارة وكلام كتير

دا معناه ان الفكرة ناجحة لان فيها اتنين ناجحين

اختى حدوتة

وميرام

بالتوفيق ليكم يارب

وهستنى وهتابع وهقرا

مكنتش بعمل كدا فى مدونة حدوتة الاولى لانى مكنتش بحبها

مش عارف ليه

يعنى ألف عند خلق الله كلهم ومزورس اختى

ميصحش برده

فدلوقتى هتابع وهزور لان فى فكرة ومحتوى متميز

بالتوفيق ان شاء الله

كان نفسى اكون اول تعليق

بس للاسف الخبر وصلى متأخر من حدوتة

شاب فقررررررررررى

قلم رصاص said...

ألف مبروووووووووووووك
افتتاح المدونة الجديدة
انا دخلت باليمين مع اني شمالي
بس عشان الشياطين وكده
وياترى بخرتوا المدونة ولا لسه؟

انا جي على فكرة من طرف كريم اخوكي
اه عشان بس تعرفي انه قام بالواجب مع اخته جدا ووقف جبنها في نشر المدونة الجديدة

يالتوفيق ان شاء الله

سلاموا عليكم

MǿиY El-Shreef said...

اخيرا وصلت فاض فضا

مبرووووووك يا جودعان والله انا مستنياها من اول ما ميرام قالت عليها

بوست زي الفل وموفق يا حدوته

اه

انا جايه من طرف فقري :))

أم .. بوبه said...

السلام عليكم ورحمة الله وبركاته

إزيك يا حدوتة إنتى ميرام

حلو أوى اسم المدونة عبقرى

وكمان إنتى أسلوبك حلو أوى فى المقدمة بجد وشكلك لذيذة وحدوتة

وعلى فكرة انا جاية من طرف الحاج فقرى أخوكى وهو موصى إللى يجى من طرفه يقولك

تقريبا علشان يحسبها عليكى جميلة أو يعيرك بالحكاية دى انا مش عارفة ياريت إنتى تقوليلنا

Lyssandra said...

مبروك يا فتيات :))
ان شاء الله متابعة معاكم

تحياتي

Lyssa

فتاه من الصعيد said...

الف مبرووووك

فكره حلوه

انا جايه من عند فقري " هو قال تقولوا انكم من طرفي :D "

تحياتي

reem said...

صباح الخير والفل والياسمين

حلوة اوى المدونة وفكرتها

واسمها بجد تحفة وفيه حاجة تشد اوى

ربنا يوفقكم وتكون مدونة ناجحة

وانا متابعاه معاكم باستمرار واى موقف هاجى احكيه هنا وانتو تحكمو معايا

انا عرفت المدونة هنا من شاب فقري

ربنا يكرمه لانه عرفنا على مدونة حلوة كدا

momken said...

فاض فضا؟؟!!

تقصدوا اتبقى وقت فراغ يعنى؟؟
انتوا اكيد من عالم تااانى من عالم تانى

انا اعرف ناس بتعمل خطه علشان تلاقى وقت تستحمى

وتصحى بدرى ساعه علشان تحلق دقنها


اه يمكن بقى علشان معندكوش دقن؟
ناس معندهاش دقن صحيح


انا جاى اهنى وابارك واكل واشرب وانبصت حفله بقى وحركات

انا مع الاسف متبعتش مدونه ميرام وده لعيب فيا انا
لكنى متابع تقريبا اغلب مدونات حدونه
الى هما يجى ستميت مدونه
ربنا يزيد ويبارك
وطبعا هى حد ممتع حداً ومبدع جداً
واكيد هنا هنلاقى ابداع وطعم جديد

وربنا يكتر فاض فضتكوا


الافتتاحيه جميله فاضل بس موسيقى الخلفيه وانا اقترح دخله اوبرا عايده


مبروك

تحياتى

شمس النهار said...

السلام عليكم

مبروك الافتتاح

وعلي فكره انا جايه من عند الحاج فقري

سلامي

نـــــــــــــور said...

مبروك ياست حدوته
ولو مكنتش اعرف من الفيس بؤ ماتعرفنيش?
مكنش عيش وفضفضه اللى بيننا ده
عموما مش هنساهالك والفكره لذيذه فعلا واعتقد انا هبقى من اكتر زباينكوا هنا :)

مبروك ياتوتا انتى وميرام وانا مكنتش بتابع ميرام اوى بس قريتلها اكتر من مره متفرقين وبيعجبى كلامها حقيقى :)

وسلام بقى عشان انا صباعى السبابه متاكل وبكتب من غيره :)

saragebaly said...

مبروك عليكم المدونة

وجميلة الفاض فضا

الفكرة جميلة

تمنياتي لكم بكل التوفيق

دمتم في حب

سارة

Dr. Tantawy said...

maha w meram .... saba7 el ebda3 :)

kol mahnzel agaza hagy a2ra ento katbeen eh .. y3ny 3yz farfasha w tafa2ool .. msh ekte2ab w e7bat ... mafhoooooom :))

bel tawfeeeq ... w aked hateb2a 7elwa , magam3 ella ama wafa2 ;)

جارة القمر said...

مبروووووووووك يا حدوتة انتى و ميرام على المدونة الجديدة

بجد الاسم تحفة يا ميرام و الافتتاحية لذيذة جدا يا حدوتة

جاية برضو من عند الاخ فقرى هو بيحاسبك على كل راس ولا ايه تدخل عن طريقه ههههههههههههههه
بالتوفيق يا جميلة ::)

كلام عيب said...

اولا الف الف مبروك بمناسبه الافتتاح و ربنا يجعل عتبتها حلوه عليكم
انا جايه من طرف اخوكى المخلص دائما الحاج كريم
اوعى يكون اللى من طرفه بيضرب و لا حاجه
هههههههههههههههههه
مبروك مره تانيه
فين البيبس و الجاتوه بقى

فراشة said...

ان شاء الله تبقى مدونة جميلة زي ميرام وحدوته

وعلى فكرة انا جاية من طرف الحاج فقري أصله موصي نقول كدا ليكي يا حدوته :)

وان شاء الله أتابعكم باستمرار

مبروك يا ميرام
مبروك يا حدوته

سلمى said...

مبروووووووووووك على المدونه
اللهى يجعلها فتحه خير
على فكره انا جايه من عند الحاج فقرى وبيقولكم افتحولى واحده حاجه ساقعه وهو حيحاسب
تحياتى

ما علينا said...

مبروك يا توتة
ومبروك يا ميرام

فكرة جميلة جدا
اننا نتبادل خبراتنا فى الحياة نتيجة المواقف اللى بنتعرض لها وبنمر بيها

و أكيد كل واحد بيتعلم حاجة من اى حاجة حصلت له
لأن المفروض الانسان الحياة ما تعديش عليه كدا مر الكرام لازم يفكر
ويوزن الامور ويتعلم من غلطه ومن صحه
ويقول هو اتعلم ايه
ويطلع اللى جواه

مش كدا باردوا يا توتة ولا انا مش مذاكرة كويس ؟؟؟؟؟؟؟؟؟؟؟

الشاعر الفنان أحمد فتحى فؤاد said...

مبروك المدونة الجديدة الجميلة

الشاب الفقرى بيمسى و يصبح و عامل أحلى دعاية

مدونة جميلة
إسم مميز
مبروك

عمــود نــور said...

لو على الفضفضة يبقى صباح الفل هنفضفض للصبح

مبروك ع المدونة

sookra said...

مبروك المدونه الجديده
انا جايه من عند فقرى
هو قال نقولكم كدا
هههههههههههه
ربنا يوفقكم وحلوه فكره المدونه

سمكه واحده said...

انا جايه من طرف ست حدوته
وبقول الف مبروك ياست الكل علي المدونه الجديده انتي وست ميرام وان شاء الله تكون بدايه موفقه
وتمتعونا باجمل البوستات وده انا متوقعاه طبعا
ومتتاخروش علينا بقي في الفض فضا
عشان يعني الواحد فاضي اوي وانتي عارفه كم الفراغ اللي الواحد فيه هه
ماشي
بالتوفيق ان شاء الله يا دوته
انتي وميرام
تحياتي

7akwena said...

بالتوفيق يا جماعه
ان شاء الله هنلقى فضفضه لذيذه وممتعه والاهم مفيده
انا جاى من عند فقرى
اشطه
فىى انتظار البوستات الجايه بقى
يلا سلام

مش بمزاجى said...

ربنا يوفقكم

كــركــبــة دمـــاغ said...

عووووووووووو

يا اهل الله ياللي كنتو هنااااااااااا

وفاض فضا وبتاع

ياجدعان عبرو المعجبين

نزلو حاجه للغلابه

ده الدنيا هنا اتملت تراااااااااب

افيقوووو يا اهل الكهف

عصفور السطح said...

مبرووووووووووووك

WhItE HeArT said...

مبرووووووووووك المدونة

وبجد بالتوفيق